Кипар не фали, Филипче си тера политиканство. Денешната седница на националниот совет за Евроинтеграрции, каде новиот претседавач со Унијата, Кипар ги преставуваше своите приоритети и го призна напредокот на Македонија, се претвори во прес-конференција на СДСМ. Претседателот советот, Филипче го злупотреби подиумот за да ги повтори своите секојдневни критики кон власта.
За разлика од него, Кипар и го призна на Македонија напредокот во спроведувањето на реформите и напорите за владеењето на правото. Најави дека ќе работи на зајакнување на безбедноста не ЕУ, конкурентноста и зајакнување на пазарот како и подобрување на условите на бизнисмените. Кипарскиот амбасадор во Македонија, Андреас Фотиу вели дека проширувањето и понатаму останува главен приоритет на ЕУ, но тоа ќе се заснова само на заслуги.
Претседателот на Советот изгледа не го интересираше Кипар, па го искористи моментот да си распали по власта со критики, за како што вели, застој на евроинтеграцискиот пат на Македонија. Тој рече дека не се спроведувала реформската агенда, а обвини дека власта со изгласаната резолуција за наводните мигранти, удира по слободата на говорот. Во кошот влегоа Српското влијание, Русија, напад врз медиуми, банки и што се не.
На ова му реплицираше пратеникот Милошски. Според него, Филипче е стечаен говорник, а неговата партија е во политички стечај.
На собраниската седница беше констатирано и дека процесот на пристап кон ЕУ не е лесен и бара длабока трансформација. Македонија според последните заклучоци на ЕУ покажа подобрување во реформите за јавната администрација, а слаба точка е владеење на правото. Од земјата се очекуваат поголеми резултати од борбата против високата корупција, посилни институции и враќањето на довербата на граѓаните во правосудните институции.
