Од воинствени закани, најави за дестабилизација, за секојдневни протести, до панел дускусија на партискиот сектор за култура, видео обраќање на Али Ахмети за изборите во Косово и прес конференција на Талат Џафери за дискриминација на Албанците во државната администрација.
По ставањето на бегалецот Артан Груби на американската црна листа и најавата дека се водат истраги за криминали на нивни поранешни функционери, спласна силната националистичка реторика на ДУИ. Повеќе ги нема секојдневните прес конференции на кои се најавуваше кревање на Албанците во Македонија, поради наводно незадоволство од политиките на власта.
Според познавачите ова го покажува дека кај ДУИ постои страв од кривична одговорност, бидејќи очигледно се вршеле голем криминал, а надлежните конечно почнале да работат во борбата со корупцијата.
-Водењето на постапката на борба со криминалот и корупцијата, барањето на одговорност и ставањето на црните листи, се на се ова влијае негативно врз ставовите на ДУИ. Бидејќи ДУИ почна да се троши како политичка партија, бидејќи последниов период излегуваат на прес конференции и имаат само една иста изјава тоа е дека Албанците се бркаат од институциите на државата, вели за Алфа политичкиот аналитичар Љуљзим Фаризи.
На ДУИ прво им пречеше укинувањето на балансерот, потоа одлуката на Уставниот суд да ја успитуваат уставноста на законот за употребата на јазиците. Во тој период решија да излезат и на протест, а тогаш го добија и можеби и најголемиот студен туш, ставањето на Груби на црната листа на САД. Според Љуљзим Фаризи, тоа што не добија поддршка од странците за ниту еден потег, покажува дека ја изгубиле поддршката кај меѓународниот фактор.
-Се сплеткаа работите, бидејќи првото тие што го направија, пратија писмо кај меѓународната заедница, на кое ниту еден не им одговори. Дури Даниел Сервер и другите им дадоа студен туш на нивните на нивните прашања, вели Фаризи.
ДУИ претходно објавија и воинствено видео во кое Ахмети порачува дека никогаш не изгубил војна, кое подоцна го снема од социјалните мрежи. А последниов месец како целосно да исчезнаа нивните јавни настапи, се сведоа на само неколку прес конференции, од кои една на подмладокот и три средби со граѓани во Чашка, Брвеница и Желино. Обраќањето кон јавноста е главно е преку пишани соопштенија.
Матеја Петровски