На последната 24. седница на Собраниската комисија за образование, наука и спорт беа прифатени сите забелешки на Владата кои се однесуваа на статутарните одлуки на Универзитетот „Мајка Тереза“. Во образложението пред пратениците и членовите на комисијата беше кажано дека се однесуваат на технички измени кои се во склад со законските прописи.
Со Статутарната одлука за изменување и дополнување на статутот на универзитетот „Мајка Тереза“ има измени во печатот и печатот каде треба да стои името на универзитетот на македонски, албански и англиски јазик. Измени беа побарани и во дипломите и додатокот кои им се издаваат на студентите каде ќе се запази истиот редослед на јазиците.
– Со нов член од Статутарната одлука има измени со кои „Одората на ректорот е во темноцрвена боја со додаток сина и темносина боја. Одората на проректорите, деканите и продеканите е во темносина боја, со додаток во светлосина и бела боја, дополни претседателката на комисијата Иванка Василева.
Во образложението на претставникот на универзитетот Бујамин Вела, беше кажано дека се прават и измени во Статутот каде во член 1 став се 1 и така сврзникот „и“ се заменува со запирка и по зборовите „Факултет за социјални науки“ се додаваат зборовите „Правен факултет, Економски факултет“ и Факултет за хуманистички науки. Тој напомнеа дека измените доаѓаат од законските прописи и препораки од МОН.
Забелешките беа едногласно прифатени, по што беше констатирано дека Комисијата писмено ќе ја извести Законодавно-правната комисија на Собранието за да постапи согласно членот 207 став 1 од Деловникот на Собранието.