Зголемување на плати, делење на награди, бонуси, додатоци, можности за работа од дома, скратено и флексибилно работно време. Газдите на македонските фирми имаат многу начини да ја зголемат продуктивноста на вработените и нивното задоволство од работата. Менаџерите мора да увидат кои се предизвиците во нивната компанија, за да ги мотивираат работниците подобро да работат и да напредуваат – велат од Асоцијацијата за искуство на клиенти и вработени.
Во ИКТ секторот ниските плати не се проблем, но на лчуѓето им треба поголем баланс меѓу професионалниот и приватниот сектор – велат од МАСИТ.
Работа од 4 дена неделно во канцеларија, а еден ден од дома или целосно работење вон седиштето на компанија е тренд во светски рамки. Во земјава се повеќе компании го овозможуваат тоа, онаму кадешто дозволуваат рабоптните процеси. Од Асоцијацијата за е-трговија велат дека во ваквите случаи нема промена во продуктивноста на работниците.
Македонските фирми имаат уште многу да учат од искуствата на словенечките фирми како да им овозможат поволен деловен амбиент на вработените.
И покрај тоа што просечната плата во Македонија континуирано расте во последниве неколку години, земјава ги има меѓу најниските плати во регионот, со просек од 682 евра месечно.