Надежта последна умира. Болните од рак очекуваат дека конечно ќе има одговорност за скандалот “онкологија”.Откако јавното обвинителство откри дека до 31 јануари ќе има обвинение, за најголемата афера во македонското здравство, каде потврдено е дека пацинетите со канцер не биле соодветно лекувани, но и постојат сериозни сомнежи дека се препродавала скапата биолошка терапија на црно во сеседни земји очекувањата се дека вистината ќе излезе на на виделина и конечно ќе се дознае кој се богател на грбот на најтешко болните.
“Не е изненадување за нас дека болните од рак биле несоодветно лекувани бидејќи бројките на метастазирани и запоставени пациенти е навистина голем.Скептични сме но сме надежни, и пак се враќаме на тоа дека не смееме како онколошки пациенти да немаме надеж.Што се однесува до Онкологија директорот покажува голем интерес да промени некои работи меѓутоа ќе оставиме до јануари да видиме дали нешто ќе се промени” вели Ана Марјановиќ, онколошки пациент.
Одмотувањето на „клопчето“ наречено oнкологија на површина извади бројни сведоштва од пациенти кои се мачеле или се уште се мачат да стигнат до терапија и до прием на клиниката. Имаат проблеми со недостаток на терапија, но и се борат со системот – чекаат со месеци за магнет, ехо на дојка, пет скен, а се чека и за биопсија.
“Гужвите, проблемите со термини не престануваат.И покрај информациите кои постојано ги добиваме дека се наоѓаат термини и дека има. Во нашите групи секогаш се истите жалби дека до термините се доаѓа многу тешко.Освен да се надеваме дека ќе дојдат подобри времиња во кои што ќе имаме подобра организација друго не ни преостанува” вели Марјановиќ.
ОЈО вчера откри дека се гледа крајот на истрагата за скандалот.Обезбедени се две вештачења од Србија и Словенија.Во 16 медицински истории на болни со канцер кои се вештачеле во Србија е потврдено дека пацинетите не биле соодветно лекувани. А месецов се очекуваат и резултатите од словенечките вештаци. Дополнително се истражува и кражба на цитостатици.