МВР работи на тоа камерите на булеварите и улиците да ги ловат несовесните возачи и да се казнат поради сообраќајни прекршоци, а со тоа да се зголеми безбедноста во сообраќајот во главниот град.
Во Скопје има камери на улиците, но тест период покажал дека само 15 % од нив функционираат, а на нив регистрирани се илјадници сообраќајни прекршоци за само 24 часа.
Министерот Панче Тошковски најави итна имплементација на системот за сообраќајни камери за следење на прекршоци во Скопје бидеќи во буквална смисла а зборот, камерите ќе спасуваат животи. Во емисијата За или Против на телевизија Алфа, Тошковски посочи дека претходниците не размислувале како ќе се постапува целиот процес – од снимање сообраќајни прекршоци до наплата на казни.
Според статисиката за жртви во сообраќајот што ја води МВР годишно на патиштата поради непочитување сообраќајни правила гинат над 120 лица, од низ значителен број се млади луѓе. Според бројките што ги соопшти министерот, 149 смртни случаи имало во 2017 година, 129 во 2018 година и 126 во 2019 година.
Систематското поставување на надзорни камери почна уште во 2012 кога МВР го промовираше проектот „Безбеден град“ чија намена беше предвидена камерите да ја зголемат безбедноста во сообраќајот по повеќе основи.
И по 12 години, поставените камери на булеварите се уште не ја вршат основнната функција за ловење на сообраќајни прекршоци. Ќе треба да се направат и измени на Законот за безбедност на сообраќајот на патиштата за да профункционира системот за автоматско казнување за сообраќајни прекршоци.
