Скопјани со нетрпение чекаат промена на градоначалничката Арсовска. Од локалните избори не делат неколку месеци, а граѓаните велат дека никогаш досега не било толку лошо како што е сега во метрополата.
Незадоволни се од тоа како досега мајката на градот ги менаџираше јавните претпријатија и бараат подобрување на условите за живот во Скопје.
Сметаат дека секој друг кој ќе стане градоначалник, би можел подобро да го раководи градот Скопје.
Дека граѓаните се незадоволни од Арсовска покажа и неодамнешната анкета на порталот „Локално.мк“. 77% од граѓаните ја оценија работата на градоначалничката како слаба или многу слаба, додека 68 отсто воопшто немаат доверба дека таа може да ги реши главните проблеми на градот.
Според анкетата пред локалните избори ВМРО ДПМНЕ има четири пати поголема предност пред пред СДСМ. Во однос на потенцијалните кандидати за нов градоначалник, како најсериозни кандидати во ВМРО ДПМНЕ се издвојуваат министерот за локална самоуправа Златко Перински, градоначалникот на Кисела Вода, Орце Ѓорѓиевски, потоа Коце Трајановски и Бобан Стефковски.
Од останатите кандидати од другите политички партии, Ѓорѓи Галетановски од СДСМ и Висар Ганиу од ДУИ добија помала поддршка на анкетата.
Анкетата исто така ги идентификуваше најгорливите проблеми со кои се соочува Скопје. Загадувањето на воздухот и јавниот превоз се на врвот на листата приоритети кои граѓаните очекуваат да се решат, додека сообраќајниот хаос и степенот на јавна хигиена, исто така предизвикуваат значително незадоволство.
Инаку истражувањето опфати 1150 испитаници преку телефонско анкетирање во периодот од од 25 до 29 јануари годинава.
Љубиша Владимиров
