Денеска, Скопјани дишат многу почист воздух од претходните денови. Ветрот си го направи своето, па изутрината мерните станици во главниот град покажуваат ниска концентрација на пм10 честички во воздухот.
Тоа се должи на дождот кој врнеше во средата но и на јужниот ветер. Според податоците на реномираната страница за мерење на квалитетот на воздухот „АЈ КЈУ ЕИР“, Скопје е рангиран на 51-то место со индекс 59. На топ листата најзагадени речиси и да нема европски градови, а на врвот се Њу Делхи, Лахор, Каиро, Калкута, Ташкент, Хангжу, Мумбаи, Вухан, Дака и Дубаи.
