Скандал на Клиниката за токсикологија. Организациската директорка Бесија Илјази не знае македонски јазик,а преведувачи и се двете секретарки врботени во оваа клиника потврдуваат за Алфа дел до вработените во оваа установа. Дополнително, Илјази на работа доаѓала со придружба на нејзиниот татко кој постојано бил со неа како да е нејзино обезбедување. Вработените велат дека многу ретко се појавува низ болничките ходници, а за нејзината “таинственост” се задолжени двете службенички.
Економската директорка денеска не собра храброст да се појави пред камерата на Алфа, но затоа вети дека тоа ќе го направи утре.
Од Министерството за здравство велат дека нема ништо спорно во назначувањето на нови организациски директори на Клиниките.
“Иљази е назначена за организациски директор на Клиниката за токсикологија на 14 февруари оваа година, секоја универзитетска клиника според законот за здравствена заштита треба да има по двајца директори, еден медицински и еден организациски директор“,велат од Минстерството за здравство.
Иако пред Нова година во владината коалиција беше договорено после избори да се укинат директорите и Клинички да го раководи само еден менаџер, во предизборие се делат решенија.
Пред еден месец новиот министер Илир Демири назначи нови организациски директори на Клиниките за токсикологија, неврологија, ендокринологија, стоматологија и физикална.
Инаку , сегашните 30 –тина медицински и исто толку економски директори, како и управни одбори во секоја Клиника, граѓаните ги чинат околу 1 милион евра. Речиси сите министри последните 6 години најавуваа дека ќе ги укинат вторите директори, но тоа не се случи, а долговите на клиниките наместо да се намалуваат растат и достигнаа над 100 милиони евра.
