63.252 денари. Синдикалната кошничка станува се поскапа. Последните пресметки на Сојузот на синдикати и натаму покажуваат нагорен тренд кој не запира и во првиот месец од 2025. Синдикалците алармнираат дека само за храна и пијалоци, за една година трошоците се зголемиле за дури 10,43%. Или ако лани во јануари за оваа потреба требало да се одвојат најмалку 21.000 денари, сега една година подоцна, трошокот изнесува 23.200 денари. Од ССМ предупредуваат дека растот на цените станува неиздржлив. Клучната вина за ова според нив е кај трговците и нивната алчност за профит на грбот на граѓаните.
„Токму овие газди не покажаа ниту ронка почит не покажаа достоиснтво да бидат општествено одговорни компании како ги повикуваше и владата, а на почетокот мораше да интервенира и владата заради енормното зголемување на цените“, изјави Слободан Трендафилов претседател на ССМ.
Од синдикатот бараат Владата да преземе и други мерки за да го заштити стандардот на граѓаните. Но исто така и да ги зголеми платите за да може да се издржи ценовниот удар:
„Можеби се потребни и други мерки од страна на Владата без најава да креира кошничка без да ги информира трговците без да ги консултира без да ги прашува и можеби ние ќе преземеме далеку поригорозни мерки за да ја подигнеме свеста на граѓаните“, изјави Слободан Трендафилов, претседателот на ССМ.
Покрај храна и пијалоци, граѓаните добар дел од своите примања ги трошат и на образование, станарина и облека. Трошоците стануваат уште поголеми за оние кои живеат под криија. За нив минималниот месечен трошок изнесува 78.627 денари. За облека и обувки граѓаните трошат 5751 денар. Само за образование на едно четиричлено семејство му се потребни повеќе од 7000 денари. За транспорт се троши околу 5000 денари, а по толку се потребни и за рекреација и одење по ресторани. За здравје се трошат повеќе од 1000 денари.
Што се однесува до барањата на УПОЗ за повисоки плати и колективни договори, Трендафилов рече дека Владата одговорила позитивно за средба и дека истата ќе се случи по враќањето на премиерот Христијан Мицкоски од САД каде присуствуваше на инаугурацијата на новоизбраниот американски претседател Доналд Трамп.
