Се намали цената на минималната синдикална кошница за 400 денари овој месец споредбено со минатиот. Кошницата за овој месец изнесува 65.077 денари и е намалена за 430 денари споредено со август годинава, кога беше 65.507 денари.
Со изнајмен стан од 60 метри квадратни, пак, изнесува 80.450 денари, информираат од Сојузот на синдикати на Македонија.
Според пресметката на ССМ, четиричлено семејство за храна и пијалаци одвојува речиси 40 %, односно 23 илјади, за обувки и облека околу 6000, за сметки и греење 9,4 отсто. За лична хигиена и оддржување на хигиена во домот 2.636 денари, за транспорт 7,2 отсто, за комуникации 3.417 денари или 5,3 отсто, за здравје околу 1000 денари.
На едно четиричлено семејство во септември за образование му биле неопходни 7.097 денари или 10,9 отсто, рекреација и култура 5.592 денари или 8,6 отсто, за ресторани и хотели 4.131 денари или 6,3 отсто и за останати стоки и услуги 1.100 денари или 1,7 отсто.
