Уставниот суд одлучи, засега нема да чепка во аболицијата од Иванов, ќе го чека автентичното толкување од Собранието на членот 11 од Законот за помилување. По три и пол години чување во фиока на иницијатива, Уставниот суд ја враќа во игра аболицијата од 2016та година за 56 лица. Судиите ќе ја преиспитуваат уставноста на членот 11 а – односно дали шефот на државата може да повлече еднаш дадена амнестија.
Власта иницираше автентично толкување на членот 11 од истиот закон. Владата процени дека Иванов немал правна основа да помилува осомничени, па го прифатија мислењето од Министерството за правда да се поддржи барањето за автентично толкување на членот 11 кој дозволува помилување, а посочуваат дека е укинат уште во 2009 година.
Правните експерти во прашалници, како е можно извршната власт да бара автентично толкување за член за кој самите велат дека не постои.
Ако не постои за Владата членот 11, тогаш како тоа ќе посегне Собранието кон автентично толкување на нешто што не постои…. Ако имате член 11 А , а- то нема никаква логика да стои без 11…Како ќе оценувате нешто што велите не постои, истакна професорката Силјановска.
Дали сето ова има политичка заднина,Силјановска не посочи конкретно, но се сомнева на кого најмногу би му одговарало. Силјановска му порача на Уставниот суд за целата ситуација околу помилувањата да побара мислење од Венецијанската Комисија .
Мери Ѓорѓиевска
