„Државата мора да ги искорени сите неправилности и да ги заштити работниците. Здруженијата да бидат непоколебливи, бунтовни и субверзивни , бидејќи кога гласовите ќе станат хор, тогаш моќта е поголема„ ваква порака денеска од Штип, упати претседателката на државата, Гордана Сиљановска Давкова. Таа присуствуваше на осмата по ред Текстилијада, манифестација чија единствена задача е унапредување на работничкиот интегритет и вреднување на трудот.
„Силата на една држава, на едно општество, не е само во економијата или во животниот стандард и технолошкиот развој, туку пред се во социјалниот капитал. Нема повредно нешто од човекот, во човечкиоте ресурси, во вредностите што ги делиме ние. Затоа јас посакувам да ја градиме Македонија ,како отворена, социјална држава без оглед на партиската идеологија и определба„ изјави претседателката на државата, Гордана Сиљановска-Давкова.
Сепак и во 21век, најголем дел од работниците во текстилната гранка, не ги остваруваат своите загарантирани работнички права. Се уште има исплата на плати под законскиот минимум. Ситуацијата воопшто не е добра и наместо за минималец, треба да се говори за плата за живот, посочуваат од здружението.
„Секако дека не е добра. Имаме само неколку компании за коишто можеме да кажеме дека почитуваат Закон за работни односи, колективни договори, минимална плата. Имаме внатре синдикат, наш. Меѓутоа не мислам дека е добро и ова за покачувањето на минималната плата во јавниот сектор, мислам дека тоа не се одлуки, треба да се седне на маса, да се донесат одржливи решенија и да не се зборува за минимална, туку за плата за живот„ изјави Кристина Ампева, претседателка на Здружението „Гласен текстилец„.
Во Штип,текстилот е главна индустриска гранка и во неа работат околу 8000работници.
„Текстилната индустрија е наш белег, белег на градот Штип и затоа имаме обврска како град да се бориме, текстилната индустрија да ја развиваме, а таа да генерира развој во нашиот град„ изјави Иван Јорданов, градоначалник на Штип.
Во чест на сите текстилни работници, денеска во Штип, свечено беше откриена и склуптурата „Зашиени емоции„ изработена од универзитетскиот професор и вајар, Никола Смилков.
Алескандра Ристевска
