Одлуката на Уставниот суд во однос на законот за јазиците е очекувана,но политичките притисоци се неразбирливи. Според претседателката Гордана Сиљаноска Давкова, во судот би требало да има повеќе јавни расправи, помеѓу поднесителите на одредена иницијатива и иницијаторите на оспорен закон, за да можат да се соочат аргументите пред да се донесе конечна одлука. Сиљаноска е деицна : треба да се остави судот да донесе одлука врз основа на расправата, а не некој да кажува како треба да работи.
Како правник ќе ви кажам, очекувана е одлуката на Уставен суд. Во судот треба да има повеќе јавни расправи, едно време беа речиси суспендирани . Јас веќе изјавив, непознато е партиски претставници и политичари да атакуваат, сугерираат или се закануваат на уставниот суд . Денеска сите во светот се плашат од хиперактивни судии, нашиот суд е познат по најмала активност, она прашање зошто сега, треба да биде зошто не тогаш, рече Гордана Сиљаноска Давковка – претседател
Неоправдан е потегот на двајцата судии од албанскаа заедница, Осман Кадриу и Насер Ајдари кои не присуствуваана седницата на Уставен. Според претседателката тие не може да бојкотираат работа на суд, туку со кревање рака за, или против можат да го искажат својот став. . Сиљаноска Давкова потсетува дека експертската јавност предупредувала дека е најдобро да се побара мислење од Венецијанската комисија уште во нацрт фазата на законот, но и покрај ветувањата ништо не се случило.
Уставните судии одлучија дека прво ќе има подготвителна седница со правни експерти, а потоа конечна одлука за оспорените членови за Законот за јазици. Мнозинството судии беа децидни дека од улица и со шатори не се брани Уставот. Десетици членови на ДУИ во пресрет на седницата поставија шатор пред уставен суд обидувајќи се да извршат притисок врз одлуката .