Новоизбраниот народен правобранител Фатон Селами вети враќање на довербата на граѓаните во институцијата уште пред да ја даде заклетвата во Собранието. Тој изјави дека ќе работи на соработка со институциите со цел да се подобри состојбата во институцијата во која е избран на челната функција.
Селами најави нови законски измени со кои институциите што не соработуваат ќе се соочуваат со прекршочни глоби. Исто така, со законските измени институцијата ќе се доекипира, бидејќи сега работи со половичен капацитет.
