По кривичните пријави за внуците на Али Ахмети, продолжува да се стега обрачот околу сега опозициската ДУИ и сомнежите за криминал сторени во текот на нивното владеење. Се чешла работењето на Државна лотарија, каде директор се уште е Перпарим Бајрами, кој важи за еден од наблиските до Артан Груби. На владина седница констатирано е дека постоело незаконско делување на Државна лотарија.
-Констатирано е дека Државна лотарија незаконски доделувала лиценци за приредување на игри на среќа, за што ќе бидат информирани и надлежни истражни институции, се вели во соопштението по вчерашната владина седница.
Инаку, сомнежи за криминал во Државна лотарија постојат со години. На само два дена пред изборот на техничката влада, објавија дека ќе потрошат дури 11.800.000 евра за набавка на видеолотариски терминали за приредување игри на среќа. Оваа набаква дојде само една откако беше договорен тендер со 19 годишен претрпиемач од Куманово, за слична набавка на машини за коцкање.
Само во јануари годинава Лотарија потрошила скоро 77 илјади евра за надворешно рекламирање на Џамбо автобуси, а за рекламирање на новите интернет игри потрошиле речиси евра.
Јавноста уште и не добила одговор за наводите дека Државна лотарија го изнајмила деловниот простор од поранешниот ресторан Фестина во Визбегово за 21 илјада евра месечно за објект во скопско Визбегово и тоа за период од 10 години или договор тежок 2,6 милиони евра со компанија блиска на ДУИ. Мрежата на фирми како што беше објавено во медиумите завршува кај бизнис партнери поврзани со зетот на Али Ахмети, Куштрим Смајлај. Прпарим Бајрами претходно склучи договор и со Арберија Дизајн, која е омилена фирма на ДУИ и редовно добиваше тендери од коалицијата СДСМ-ДУИ.
Иако, за скандалите во лотарија цело време се пишува и предупредува, дури сега некој реши да ја чешла нивната работа.
Матеја Петровски
