Се што не е забрането, е дозволено. Според оваа девиза се воделе претходните челници во Фондот со иновации и си носеле правилници спротивни на законите за да може да си ги туркаат проектите на внукот на Али Ахмети и фирмите блиски до Заеви.
Поранешниот антикорупционер Нури Бајрами за неколкугодишното менаџирање на Фондот за иновации вели дека се откриени неправилности со кратење на рокови за имплементирање на проекти и цицање пари од државата каса.
Судир на интереси е и тоа што внукот Али Ахмети, Дрин Ахмети во времето на владеење на СДСМ – ДУИ земал над 81.000 евра од Фондот. За поранешниот антикорупционер сомнежот за незаконско делување во овој случај лежи во промената на роковите за проектот и за неизвршениот надзор на сработеното.
Тој додава дека во Комисијата утврдиле дека ваквото делување станало пракса во Фондот, па затоа и бареле целосна проверка на работата на Фондот.
Исто така побарале од тогашната валда, разрешување на сите членови на Управниот одбор и Комитетот за одобрување на инвестиции во Фондот.
Внукот на Али Ахмети, фирми блиски на семејството Заеви, не е првпат јавноста да чуе за расипничкото владеење на менаџментот во Фондот за иновации.
Уште во 2022, Антикорупциска по анонимна дојава отвори предмет и за тогашниот директор на Фондот, Коста Петров. Според тогашните сомневања, Коста Петров доделил пари од Фондот на издавачка куќа што ги печатела неговите книги.
Сегашниот директор Никола Додов заедно со правниот тим на Фондот вршат истрага и ревизија на сите проекти од последниве пет години. Според досегашните сознанија државната каса е оштетана за 3, 2 милиони евра. Раководоство најавува кривична одговорност за сите оние кои се огрешиле пред законот.
