Беа во брак во владата цели седум години, по изборите се поткараа, во последниве месеци се разведоа, ама сега ќе се смируваат за локалните избори. СДСМ и ДУИ не знаат каде тераат. Лидерот на СДСМ Венко Филипче, кој пред само некој месец целосно се огради од Ахмети, денеска најави дека вратите за соработка на локалните избори се отворени за сите, па дури и за нивните бивши партери, кои важат за една од најокрумпираните партии во државата.
Директно прашан дали на престојните избори би колаицирал повторно со ДУИ, Филипче не се одерче до Ахмети, како пред тоа, туку рече дека биле подготвено да разговараат со сите политички партии
„Ќе разговараме со сите политички партии, меѓутоа принципите на коалиција значат дека коалиционите партнери прво треба да се почитуваат, понатаму да се целосно согласни околу програмите што ќе ги ветиме на граѓаните, односно имплементираме научени лекции од претходните коалиции“, рече Филипче.
Изјавата на Филипче следи само два дена откако влијателната пратеничка Сања Лукаревска јасно се огради од ДУИ и порача дека заслужувале да останат длабока опозиција. За најавите на Ахмети за протести, таа рече дека откако ДУИ е во опозиција, само се нафрлаат закани за можни немири и протести со што се дава впечаток дека не можат да се помират што не се на власт.
„Заслужуваат да останат длабоко во опозиција затоа што на овој народ му е доволно од пречките кои што ги имаме меѓу политичари од различни партии, а како капак на ова да слушаме дека ќе има протести затоа што некој смета дека веќе не е на власт и не може да ги влече конците како што беше претходно“, рече Лукаревска во емисија на Канал 5.
Но, не е само Лукраевска. И самиот Филипче во декември јавно призна дека неговата партија падна на изборите и заради поданичкиот однос кон ДУИ.
„Да, ДУИ на некој начин ја трошеше и во значаен дел ја потроши СДСМ како дел од власта. Тоа не е само моја констатација, туку е дел од многу сериозна анализа која што ја направивме. Вредностите и интересите на граѓаните ќе бидат основата за секоја идна коалиција. „Секоја идна коалиција ќе ја градиме врз основа на вредносните политики. Вакви компромиси, кои сериозно го оштетија нашиот интегритет, нема да се повторат“, нагласи тој во декември, во интервју за „360 степени“.
И да е само оваа изјава. Лидерот на СДСМ отиде подалеку и нарекувајќи ја ДУИ за корумпирана, а нивните закани за опасни и неприфатливи.
„Коруптивната стигма што ДУИ ја носи со години е нешто од што јасно и недвосмислено се дистанцираме. Нивната реторика и подигање етнички тензии се опасни и неприфатливи за едно мултиетничко општество“, изјави Филипче во јануари во интервју за Независен.
Очигледно СДСМ како без компас се лизга низ политички тобоган во обид да обезбеди успех на претстојните локални избори, па така Филипче цитира некакви си анекти кои покажувале дека нивнитот рејтинг се зголемува. Но исто така се расфрлаше и со критики дека владината коалиција почива на теснопартиски и финансиски интереси и била осудена на пропаст.
