САД не очекуваат продолжување на примирјето со Иран по истекот на 60-дневниот рок за постигнување договор.
Претседателот Доналд Трамп порача дека Иран не смее да поседува нуклеарно оружје и дека Техеран нема да го добие договорот што го бара. Од Иран, пак, велат дека рокот повеќе не е релевантен, бидејќи Вашингтон го прекршил договорот. Техеран отфрла преговори под американски ултиматуми и предупредува дека, доколку дипломатијата пропадне, ќе одговори со воена акција. Иран соопшти и дека постигнал разбирање со Оман за транзитот низ Ормутскиот теснец, додека Трамп упати закани кон Оман доколку го попречува процесот. ОН ги повикаа Вашингтон и Техеран да ги обноват преговорите и да избегнат нова воена ескалација.
