Државната власт со нов, проактивен пристап кон работата, сигнализира поразлична динамика за новата администрација. Уште на првиот ден по преземањето на функцијата, новоизбраниот премиер на Македонија, Христијан Мицкоски, придружуван од градоначалникот на Штип, го започна мандатот со поставување на камен темелник на нов клинички центар во источниот дел од земјата, како изградба на нов спортски центар. Дел од заложбите за унапредување на на рекреативната инфраструктура на градот и промоција на поздрав животен стил кај жителите, како и обезбедување напредни медицински услуги во регионот.
Одлучните акции на новата влада не останаа незабележани. Политичките аналитичари велат дека системот на работа во ВМРО-ДПМНЕ секогаш има тенденција за поголема агилност, насочена кон решавање на проблемите на граѓаните.
- „Очекувано беше ова. ВМРО како систем на организирање, знае да работи и да функционира со крајни рокови за извршување и проктно. Тоа што е зацртано и тоа што го навести новио премиер Христијан Мицкоски. Мене во голема мера не ми е изненадување начинот на фунцкинирање во изминативе 36 часа. Гледаме дека секој од министрите има тенденција и желба да се докаже на терен. Да покаже дека е оперативен.“ – Изјавианалитичарот Александар Ристевски.
Веќе вториот ден по формирање на новото владино мнозинство, се означи почеток на значаен инвестиционен проект и во енергетиката. Изградба на 55 ветерни турбини, со вредност од безмалку 500 милиони евра. Покрај чекор напред во енергетиката, не се изоставени ниту локалните самоуправи. Од владачката партија за утре најавуваат почеток на изградба на нова, модерна детска градинка во Штип. Проект кој е дел од стратегијата за подобрување на раното детско образование и поддршка на работните семејства. Аналитичарите велат дека одлучните акции на новиот владин состав создаваат пример и поттик за тоа, како ќе треба да работат и пониските ешалони во администрацијата
- „Се надевам дека исто така ќе биде и во оној, трет ешалон. Помеѓу директорските позиции, затоа што токму тие се оние кои имаат директен контакт со обичниот народ. Министрите се сликата и огледалото на политичките партии, многу важни, но во основа, контактот со обичниот народ, се локалните раководители, директори и токму ќе ја видиме работата на терен.“ – Додаде Ристевски
Годинава беше година на избори во светски рамки. Како кај нас, така и во многу други земји има ново-формирани влади. Па во споредба со регионот, новата влада во Бугарија беше критикувана поради бавниот одговор кон растечките барања на граѓаните, додека пак во Србија, фокусот по изборите беше насочен кон консолидирање на политичката моќ во земјата.
Никола Цветкоски
