Сите 422 анализирани примероци на вода за пиење во Скопје се безбедни и ги исполнуваат пропишаните стандарди за квалитет, информира ЈП „Водовод и канализација“.
Во периодот од 10 до 14 август, Секторот за санитарна контрола зел 211 примероци за физичко-хемиска и исто толку за микробиолошка анализа. Примероците биле земени од 45 мерни места на територијата на градот. Според резултатите од лабораториските испитувања, сите примероци се во согласност со Правилникот за барања за безбедност и квалитет на водата за пиење. Од ЈП „Водовод и канализација“ посочуваат дека неделните лабораториски извештаи се објавуваат со цел граѓаните редовно да бидат информирани за квалитетот и безбедноста на водата за пиење во Скопје.
