Шминка или реформа на Судскиот совет? Препораките на Оценската мисија треба да го реформираат Судски, но дали тоа ќе се случи ако за изборот на членови, новиот закон помине со козметички корекции. Избраните членови на предлог на Собранието и шефот на државата фрлаа сомнеж за политичко влијание во Советот и ја поткопуваа довербата кај стручната јавност и граѓаните. Не се знае какви препораки дала Оценската мисија за предлогот на претседателот на државата за членови на советот, но затоа во делот на изборот кој што го прави Собранието, речиси и да нема разлика.
Освен терминот истакнати правници за кои се креваше најголема врева, останатите измени се горе долу исти. Оценската мисија препорачува овој термин да не постои во новиот закон, а Собранието да избира кандидати предложени само од Адвокатската комора и Интеруниверзитетската конференција.
Дел од препораките на Оценската мисија за избор на членови на Судскиот совет СЛИКА ОД СУДСКИ СОВЕТ
На огласот на Собранието на Република Северна Македонија за избор на член на Совет, свои предлози за член да даваат:
1. Интеруниверзитетската конференција, со кандидати од редот на редовни професори по право со професорски стаж од најмалку 20 години од првите три најдобро рангирани универзитети во државата;
2. Адвокатската комора на Република Северна Македонија со кандидати од редот на адвокатите со адвокатски стаж од најмалку 20 години
И досега Собранието предлагаше членови, а пратениците ги гласаа. Според актуелниот Закон за судски совет, членовите треба да се од редот на универзитетски професори по право, адвокати, поранешни судии на Уставен суд, меѓународни судии и други истакнати правници.
Разликата е во тоа што досега кандидатите што ги избираше Собранието требаа да имаат 15 години искуство, а според новите препораки 20.
Министерсво за правда заедно со странски експерти од наредната недела ќе организираат јавни расправи на кои ќе се дискутира за препораките на Оценската мисија и новите законски решенија за судски и обвинителски совет.
Последниве години Судскиот совет и Советот на јавни обвинители носеа скандалозни одлуки за кои реагираа и меѓународните претставници во земјава, а довербата на граѓаните во правосудството падна на 2 проценти.
Премиерот Христијан Мицскоки предложи распуштање на советот и можност судиите самите да га вршат изборот на членови од своите редови. Меѓународна заедница повика да се применат препораките на Оценската мисија.
Според последната анкета на Маркет Вижн, граѓаните се со поделено мислење за распуштање на Судски. 43 отсто одговориле позитивно, а за 33 отсто тоа е негативна мерка.
