Пензионерите се во фокусот уште на првата владина седница. Со воведување на линеарно покачување на пензиите, по најавениот ребаланс на буџетот, највозрасните може да очекуваат зголемување веќе во септември за 2500 денари и уште толку во март идната година. Па така, тие што земале 15.000 денари пензија, со првичното зголемување ќе добиваат месечно по 17.500 денари, а 6 месеци подоцна, ќе имаат примања од 20.000 денари. Граѓаните во исчекување. Велат, ова ќе влијае на зголемување на животниот стандард.
Познавачите се задоволни што конечно се реализира долгонајавуваната реформа, со која ќе им се помогне на групата граѓани кои се наоѓаат во крајно незавидна економска положба:
- „Најавеното покачување е барање и на пензионерите, но и најава на сегашната влада. Со тоа многу ќе се добие, бидејќи досега се доделуваа пензиите нелинеарно, туку процентуално, што многу пензионери со ниски пензии немаа никакви примања, по 600/700 денари, што во ваква скапотија не е доволно. – Изјави Драги Аргировски, поранешен претседател на сојуз на здруженијата на пензионерите
Според најавите, овие измени во пензискиот систем ќе се реализираат преку реалоцирање на 80 милиони евра во буџетот, од кои 40 ќе бидат за линеарното покачување, додека пак другата половина за непречена исплата на пензиите.
Никола Цветкоски
