Професорот од Машинскиот факултет при Универзитетот „Св. Кирил и Методиј“ во Скопје, Дарко Данев, официјално поднесе кандидатура за ректор на УКИМ за мандатниот период 2026 – 2029 година, по објавувањето на огласот за избор на нов ректор.
Данев во академската и пошироката јавност е препознаен како долгогодишен универзитетски професор и поранешен декан на Машинскиот факултет, функција што ја извршуваше во два мандата (2016 – 2023).
Во неговиот мандат беше спроведена и целосна реорганизација на просторот, со отворање нови кабинети и лаборатории, како и обезбедување објект за времено користење од страна на ФИНКИ, со што се ублажија просторните предизвици со кои се соочуваше овој факултет.
Во својата кандидатура, Данев најавува визија за УКИМ како модерен, отворен и меѓународно конкурентен универзитет, со фокус на дигитализација, унапредување на квалитетот на наставата, поврзување со индустријата и поголема поддршка за студентите и младите истражувачи.
