На трансатлантскиот форум во Конгресот на САД, пратениците Драган Ковачки, Славјанка Петровска и Илир Хасани остварија средба со конгресменката Деби Дингел, ко-претседавач на Американско-македонскиот група.
Како што се наведува во соопштението од собраниската прес-служба, на средбата тие изразиле искрена благодарност за континуираната и исклучително важна поддршка што САД ѝ ја даваат на Македонија, како во процесите на евро-атлантската интеграција, така и во зајакнувањето на нашата безбедност, одбранбени капацитети и демократски институции.
-На крајот од средбата беше ставен акцент на потребата да продолжи продлабочувањето на соработката со американските сојузници и зацврстувањето на местото на Македонија како доверлив партнер во НАТО, се наведува во соопштението.
Пратениците оствариле и други средби со претставници на Конгресот.
