Скрининг, навремена посета на уролог и да не се молчи за проблемите – ова се препораките од лекарите кои ги упатуваат по повод месецот посветен на машкото здравје. Голем број граѓани денеска ја искористија можноста за бесплатен скрининг за рано откривање на рак на простата и други уролошки прегледи. Акцијата ја организираше геријатриската болница “13-ти ноември”. Според уролозите, раната дијагностика е предуслов за успешно лекување.Апелираат мажите над 45 години задолжително еднаш годишно да прават уролошки прегледи.
Со оваа акција, болницата „13 Ноември“ испраќа силна порака дека превенцијата спасува животи и ги повикува мажите да ги победат табуата, да се грижат за своето здравје и да направат редовни прегледи.
Во знак на поддршка на иницијативата за зголемување на свесноста за значењето на навремената грижа за машкото здравје беше и градоначалникот на Карпош, Сотир Лукровски.
Ракот на простата е на врвот од карциномските машки заболувања.Статистиките покажуваат дека по околу 500 нови пациенти годишно се дијагностицираат со оваа болест.
