Не можеме за две години да ги стигнеме Италија, Франција и Грција, но фактите покажуваат дека последните шест квартали бруто домашниот производ расте за 3,5 %. Се справуваме со кризита на одговорен начин, за разлика од минатата валст која имаат буџестки дефицит од 10%. Вака премиерот Мицксоки на седницата на пратенички прашања во Собранието ја претстави економската состојба на земјава.
Покрај обвинувањата на опозицијата за низок стандард на граѓаните, имаше прашања и за внесување на Бугарите во Уставот. Јованка Тренчевска од СДСМ ја обвини власта дека некогаш нив ги нарекувале предавници, а сега според нејзе Владата веќе размислува за внесување на Бугарите во Уставот. Заменик министерот за надворешни работи Зоран Димитровски на прашањето дали ќе има уставни измени и одговори дека токму владата во која таа беше министерка ги закочи евроинтеграциите со прифаќањето на францускиот предлог без политички консензус.
На седницата имаше обвинување и за корупција. Славјанка Петровска од говорница мавташе со фотографии кои според неа покажуваат дека директорот на државниот инспекторат за земјоделство бил фатен со 50 илајди евра во подземна гаража, а парите наводно требало да завршат кај министерот за земјоделство. Но, според нејзе Тошковски ја прекинал акцијата, за да не го уапси министерот, туку само директорот. Тошковски на ова и одговори дека не и наликува на дама, како нејзе, да е инвентивна во креирање содржини со научна фантастика.
Пратеничките прашања вообичаено поминаа со засилена реториката и навреди на релација опозиција- власт..
