Градоначалникот на општина Кавадарци, Митко Јанчев денеска остварил прва официјална средба со постојаниот координатор на Обединетите Нации во земјава, Рита Колумбија.
Како што самиот информираше на неговата Фејсбук-страница, на средбата било разговарано за можностите за унапредување на соработката и реализација на заеднички иницијативи, со посебен акцент на младите, развојот на младинските центри и креирањето нови можности за нивно активно учество во општеството.
– Во фокусот беа и проектите кои имаат за цел да ги поттикнат младите на личен и професионален развој, да создадат простор за нивните идеи и иницијативи и да придонесат кон градење на современа и инклузивна локална заедница – пишува во објавата.
Се додава дека ова претставува важен чекор кон идно заедничко дејствување и отворање нови можности за реализација на проекти што ќе имаат конкретен придонес за младите, за целата заедница и е само почеток, како што се нагласува, на една нова соработка со јасна визија – повеќе можности за младите, нови идеи и проекти и заедничка работа за подобра иднина на Кавадарци.
