Никој не може да го врати избришаното македонско малцинство во Албанија што последниот попис го елиминира, освен ако целосно не се поништат резултатите. Такво понишување тешко дека може да се очекува и покрај силните напори и рекации од новата македонска влада. Грешката на власта на СДСМ и ДУИ, кои не реагираа додека Бугарите работеа на терен доведе резултатите од пописот во Албанија да покажат дека има само 2200 Македонци наспроти 8000 Бугари. На последниот попис во 2011, селата, Гора, Пустец како и реонот Мала Преспа, се декларираа како села со чисто македонско население коишто бројеа над 5000 жители. Незаинтересираноста за македонското малцинство на ДУИ и СДСМ ја разочара и Обединетата македонска дијаснопа. Претседателот Гордан Јорданов е изреволтиран бидејќи и покрај предупредувањата поранешната власт не направила буквално ништо. Тој вели дека поранешните владини функционери имале работни посети во Албанија и ветувале брда и долини, но на терен не е мрднато ни со мал прст.
Делење пари и бугарски пасоши, флаери со пропагандна бугарска содржина, училишта на бугарски јазик, Бугарија агресивно со години работеше на терен за што медиумите известуваа во периодот пред попишувањето, но ДУИ и СДСМ го игнорираа ова прашање.
Македонските здруженија и партии исто така и за време на пописот алармираа до македонските власти дека Бугарија директно се меша во внатрешните работи на Албанија и на терен работи да создаде бугарско малцинство коешто не постои. И покрај нивниот апел ниту еден функционер не реагираше.
По бурните реакции на Македонците оттаму, министерот за надворешни Тимчо Муцунски го повика на рапорт македонскиот амбасадор во Тирана. Амбасадорот Данчо Марковски се очекува до крајот на неделава на министерот да му реферира што презел во врска со бугарското влијание во македонските села.
