Од извод на радени до дозвола за риболов и објава за изгубена диплома. Порталот uslugi.gov.mk е целосно редизајниран и на него се додадени 100 нови услуги кои граѓаните на едно место може да ги добијат по електронски пат.
На него сега може да се достават над 200 барања и да се добијат потрврди, уверенија, документи. Министерот за дигитална трансформација вели дека сите административни процеси ќе станат електронски а со тоа гаѓаните ќе заштедат и време и пари.
„Целосно ново корисничко искуство, подобрена пристапност за граѓаните, за корисниците, направивме промени и во пристапноста за лицата со попреченост и ги употребуваме највисоките европски стандарди во моментов кои што се за лица со попреченост. Понатаму имаме пристап на подостапни услуги, повидливи услуги, услугите кои што се најупотребувани од граѓаните се први на порталот, но исто така денес промовираме и 100 нови услуги кои се на порталот“, рече Стефан Андоновски, министерот за дигитална трансформација.
Во изминатите пет месеци интезивно се работело на подобрување на перформансите на порталот, со цел поголема транспарентност, достапност и ефикасност.
Во изминативе пет месеци бројката на корисници е зголемена за 30.000. Најкористени електронски услуги досега од граѓаните се од Агенцијата за вработување, и фондоот за пензиско и инвалидско осигурување, поврзани со работен стаж и пензионирање.
„Во моментот најкористена услуга од граѓаните се податоците кои доаѓаат од Агенцијата за вработување. Потоа Министерството за Внатрешни Работи има една популарна услуга кај оние ловџии кои што се занимаваат со стрелаштво, тоа е дозволата за оружје за физички за правни лица. Бизнисите користат потврди кои што доаѓаат од казнената евиденција, така што имаме една група на услуги повеќе од 200 во моментов кој што се достапни на порталот“, рече Стефан Андоновски, министер за дигитална трансформација.
Освен надградбата на платформата uslugi.gov.mk Министерството за дигитализација работи на отворање центрли за услуги на кои граѓаните на едно место ќе може да ги завршуваат сите административни процедури.
Љубиша Владимиров
