Дел од околу 160-те поранешни вработени во Тетекс јарн, денеска протестираа пред фабриката, барајќи ги заостанатите плати, но и правдата што биле изиграни, принудно потпишувајќи договори, со што од месецов останале без работа. Тие утрото информираа и дека пријавиле во полиција претставник на компанијата од Бугарија кој дошол, според нив, без документи и регулиран престој, за да наштети на имотот од погоните.
И во тетовската полиција информираат дека приведен е бугарски државјанин, кој непријавено престојувал во државава и без важечки документи, и за случајот се води постапка.
Инаку,вработените денеска упорно чекаа средба со раководството, но безупсешно.Случајот го пријавиле во сите институции, но и оттаму молк.Не се откажуваат додека не им се исполнат барањата.
Фабриката за производтсво на предиво и волница е со доминантен бугарски капитал.Никој од раководството денеска не одговараше на новинарските повици.Работниците се заканија дека ќе продолжат со протести, додека не ги добијат платите, кои велат си ги одработале.
Милена Вучевска
