Поранешните антикорупционери преспале дел од мандатот и заборавиле на преку 20 тина функционери да им поднесат прекршочни за непријавување на имотот по нивното назначување. Новиот состав преводен од поранешната ревизорка Татјана Димитровска на денешната седница запре преку 20 постапки против поранешни членови на управни и надзорни одбори кои прекршокот што го направиле, им застарел. Речиси сите предмети се од 2021 и 2022.
Новиот состав на антикорупциска почна со работа од февруари оваа година. Досега претседателката информираше дека Талат џафери не може да седи на две столици, премиерската и пратеничката,бидејќи е казниво со закон. Антикорупционерите се побунија и за огласот за пријавување на нови кандидати на Акаемијата за судии и јавни обвинители во екот на преизборите.
Исто така на стартот на својот мандат антикорупционерите го покренаа и прашањето за злоупотреби на службени возила од страна на раководоството на институциите. Од вкупно 22 предмети за прекршување на Изборниот законик кои ги отворила Антикорупциска, покрај за јавни набавки, постапки се водат и за злоупотреба на возила. Над 1.000 институции не го испочитувале Изборниот законик и не доставиле податоци за службени возила до ДКСК.
Стариот состав на чело со Билјана Ивановска честопати критикуваше дека надлежните институции не соработуваат и заттоа нема резултати во бобата со корупцијата. Првиот човек на организиран криминал Абази јавно откажа соработка со комисијата бидејќи спорд него антикорупциска поднесувала празни иницијативи до обвинителството.
