Во Македонија постои само една академија на науки и уметности, и тоа е МАНУ. Најавите за формирање на друга моноетнична се нерационални и неосновани, порача на денот на Акедмијата, нејзиниот претседател Живко Попов. Вели дел од МАНУ може да бидат сите, без разлика на етничка и верска припадност, доколку ги исполнуваат условите да станат академици.
-Во Македонија, како и во сите унитарни земји од регионот и насекаде во светот, постои само една национална академија која ја претставува државата во европската и европската и во други меѓународни асоцијации на академии, па оттука актуелниот притисок за формирање на моноетнинча албанска академија е нерационел и неоснова, изјави Попов.
Во моменти додека се очекува одлуката на Уставниот суд околу законот за употреба на јазиците, Попов вели дека истиот треба да претрпи промени.
-Тоа особено се однесува на фунцкионирањето на правосудниот систем, работата на полицијата, армијата, потоа на здравствениот систем и друго, каде со огглед на деликатноста и одговорноста на она што е предмет на работа нужна е употреба на еден општ јазик за разбирање, изјави Попов.
Попов изрази благодарност што државниот врв решил повеќе да ја ангажара МАНУ, во градењето на стратегијата за развој на државата до 2050-та, која ја најави премиерот Христијан Мицкоски.
-По најавата на премиерот Мицкоски за потребата за поголемо вклучување на МАНУ во изработката на визијата за долгорочен развој на земјата, МАНУ е во фаза кога во соработка со Владата, поконкретно ќе ги дефинира обврските на Академијата во реализацијата на Стратегијата и евентуалното нејзино надополнување со развојните трендови до 2050-та година, изјави Попов.
На Денот на Академијата беше доделено меѓународното признание „Блаже Конески” на годинашниот добитник Мотоки Номачи.
Матеја Петровски
