Летно лудило го зафати Охрид,градот ечи од сите страни, слободни соби во хотелите нема. Првичните проценки говорат дека во нашата туристичка мека пристигнаа над триесет илјади автомобили од земјава и од странство. Во неподносливо топлите ноќи,градот е буден 24 часа. Покрај домашните, забележливо е присуство на гости не само од европски држави,туку од целиот свет.
„Јас сум од Холандија и овде ќе престојувам 3 недели, бидејќи се чувстувам исполнето, убаво. Ме воодушевува природата. За нас престојот овде не е толку скап, ние сме европјани, но за овдешните луѓе е скапо. Ние сме од Австралија,овде ќе направиме свадба за нашата ќерка,ќе се заветат на вечна љубов во црквата Свети Јован Канео. Од цел свет таа најде добро момче со македонско потекло.Ова е едно убаво место со љубезен народ. Преубаво е, немам никакви замерки, се е беспрекорно“.
Посебно за викенди или во празничните денови,магистралниот пат Охрид-Свети Наум е преоптоварен и нефункционален, до плажите каде се создава неконтролиран метеж,се патува и по неколку часови. Жешкото сонце и големите гужви ги натераа гостите да побараат освежување на кејот од Охридското Езеро, под дебелите сенки на гратското шеталиште.
„Со чамец си одам јас не ме интересираат гужвите,чамецот ми е на пристаниште и си одам по плажите си бирам плажи кај што има помалу луѓе. По четврти пат доаѓаме во Охрид од Србија и секогаш ни е убаво. Навечер е гужва но тоа е нормално. За да ги избегнеме гужвите се разладуваме на кејот, водата е чиста. Секое доаѓање ни е се’ поубави поубав Охрид,единствена замерка е недостатокот на паркинзи
Во претпладневните часови во центарот на градот се дише, претежно семејни луѓе уживаат во ретките часови кога градот тихува. Градот е преполн со гости,пред рестораните,во маркетите се чекаат редици,а на охридското шеталиште и по чаршијата посебно во вечерните часови, на шеталиштето владее хаос и нема место да се разминеш.
„Има бројни концерти? Планираме да одиме,ќе има неколку неделава па ќе видиме како ќе си поминеме. Дали за вас како млада популација е скап Охрид? Зависи каде и како, во центарот на некои места е скапо,некаде евтино зависи кои места ги знаете кои не ги знаете. По плажите е поскапено доста. Ми пречи тоа што помладите од нас не знаат како да се однесуваат на плажите и општо во самиот град,бидејќи Охрид е преубаво место и треба да се вреднува, а не само сликање на инстаграм колку да се каже”
Сепак заеднички е заклучокот дека има цени за сечиј џеб и дека не треба да се генерализира со давање на општа оценка дека Охрид е скап. Најавените концерти и фестивали оваа недела дополнително привлекоа голем број туристи, музичките настани го кренаа градот на нозе.
Новинар Росица Голабоска
