Бугарите во Устав станаа темен облак над реалните проблеми во Македонија. Годинава власта како да имаше само една цел, а заборави на се друго, па Европа ни испрати порака дека сме катастрофални со правосудството, корупцијата, владеењето на правото, темелните вредности на Европската Унија. Сепак, на Илинденска како да се глуви на овие пораки, во прв ред премиерот Димитар Ковачевски. Ако сме ги изгласале уставните измени ќе сме имале лесен пат евроинтеграциите. Дури беше и самоуверен дека ќе имало 118 пратеници кои ќе гласале за.
- Седницата за уставните измени ќе продолжи тогаш кога ќе биде створени услови за тоа, односно кога ќе се знае дека најголемото мнозинство на пратеници во Собранието веќе има разбрано дека треба да се донесе. (Значи да заклучиме ако до крајот на собраниски мандат не се обезбедат 80 пратеници нема да продолжи расправата?) До крајот на овој собраниски скоро година дена. (Значи и да нема 80 ќе продолжи некогаш таа седница) Јас велат дека 118 ќе има на крај, изјави Ковачевски.
Спротивно на пораките од сите кредибилни фактори, власта остана сигурна на ставот дека само Бугарите во Устав имаме непречен пат кон Европската Унија. Дури сами си ја прогласија минатава година за многу успешна на дипломатски план, иако Македонија доби најлош извештај од Европската Комисија последниве години.
- Имавме една многу успешна година, со успешен скрининг, верификуван од сите, од Европската комисија, од државите членки и од сите, имавме држава во која што направивме вистински институционален и државен подвиг, рече БОЈАН МАРИЧИЌ- вицепремиер за европски прашања.
Сепак, розовиот свет на власта го рушат оние со кои Македонија треба да преговара за членство во Европската Унија. Еден од примерите е холандскиот амбасадор во земјава, Дирк Јан Коп.
- Се е заглавено поради недостатокот на имплементација, корупцијата и непотизмот. Со едноставни зборови нема вистинска политичка волја за промена. И која е пораката до нас, пораката е ги сакаме вашите пари, меѓутоа не ги сакаме вашите вредности рече ДИРК ЈАН КОП- амбасадор на Холандија во Македонија.
Од Бугарија пак ни стигнуваат пораки дека уставните измени не се нивниот последен услов кон државава. А последна ни ги кажа шефицата на бугарската дипломатија и идна премиерка Марија Габриел.
- Бугарија ќе продолжи многу јасно да ја брани својата позиција, да потсетува дека стоиме зад исполнувањето на сите услови поврзани со компромисот од јули 2022 година, јасно да се спротивставиме на обидите за лажни информации и дезинформации дека Бугарија има нови услови, а во меѓувреме јасно да опстојуваме на нашиот јазик, култура и идентитет, Марија Габриел, министерка за надворешни на Бугарија.
Функционерите од власта си мислат на својот буџет, на пример на првиот вицепремиер имал службен автомобил, па не му требал негов, бидејќи ќе му паднела цената.
- Нема логика за политичар, министер кој што се служи со службено возило да инвестира во приватно возило во четири години, губи во вредност. Ќе си купите возило од 10.000 евра да речеме и после четири години тоа кошта 3.000 евра. Која е логиката, економската логика, затоа што вие имате службено возило кое што го користете малтене 24 часа, изјави Груби.
Државата доби и директор кој не знае што работи.
- Метрологијата е наука за мерењето, метрологијата нема врска со временска прогноза, во која што и јас очигледно да ви кажам до пред некое време грешев, мислев дека е наука за времето, рече АБДУЛ СЕЛАМ СЕЛАМИ- директор на Биро за Метрологија.
Премиерот пак го покажа своето познавање на странските јазици.
- Вие вино само на домачини давате…? праша Ковачевски.
Првиот вицепремиер пак најде начин како да ни покаже дека не терале партиски членови да доаѓаат на митинг на ДУИ.
- Ви прави некој притисок за да дојдете…. Дојди ти…. Тебе ти прави некој притисок да дојдеш тука?… Мислам апсурдно е ова стварно, рече Груби.
Колку и да е тешка состојбата во државата, тоа не беше причина премиерот малку да не запее.
