„Појадок со ХЕМА-ОНКО“, настан посветен на пациентите, здравствените работници и унапредувањето на онколошката грижа, денеска ќе се одржи на Универзитетската клиника за радиотерапија и онкологија во Скопје.
Настанот, во организација на Здружението за поддршка на пациентите со хематолошки и онколошки заболувања ХЕМА-ОНКО, има за цел да овозможи непосредна размена на искуства и разговор меѓу пациентите и здравствените професионалци за потребите и предизвиците со кои се соочуваат во текот на лекувањето.
Од здружението посочуваат дека фокусот ќе биде ставен на заедничкото градење подобра и посеопфатна онколошка грижа, преку отворен дијалог меѓу сите засегнати страни.
