Ако поетот замолчи ќе замолчи и душата на јазикот, а душата на нацијата е и јазикот. Ова е пораката која ја упати поетот и добитник на годинашната награда 23 октомври, Славе Ѓорѓо Димоски.
Наградата по повод Денот на Македонската револуционерна борба, Димоски ја доби за остварувања во областа на културата, образованието, уметноста, како и заштита и промоција на државните интереси и вредности на културното и историско наследство на Македонија.
„Најзначаен елемент на култураната политика е дека македонскиот идентитет е втемелен во македонскиот јазик и кирилицата. Јазикот и писмото се еден од иднентитетските столбови на сите нас. Ако поетот замолчи ќе замолчи и душата на јазикот, а душата на нацијата е и јазикот“, рече поетот Славе Димовски поет и добитник на наградата 23 октомври.
По повод големиот државен празник, Денот на македонската револуционерна борба денеска повеќе владини и државни делегации положија свежо цвеќе пред споменикот на основачите на Македонската Револуционерна борба.
Пред споменикот се поклонија собраниската делегација предводена од пратеникот и потпретседател на Собранието Антонио Милошоски, а почит оддадоа и членови од патриотскиот институт на ВМРО-ДПМНЕ предводена од Александар Пандов и делегација на Унијата на ветерани. Од СДСМ пристигна делегација предводена од градоначалникот на Центар, Горан Герасимовски.
Љубиша Владимиров