До средината на ноември субвенции над 1 милијарда и 300.000 милиони, за повеќе од над 20.0000 земјоделци,нешто што досега беше мисловна именка и невозможно, рече денеска премиерот Христијан Мицкоски. Иако наследиле катастрофална состојба во земјоделието Мицскоски, вети дека консолидирањето продолжува и наредната година.
„Успеавме да обезбедиме за повеќе од 20.000земјоделци, повеќе од една милјарда и триста милиони денари субвенции, нешто што досега не беше можно. Ова консолидирање продолжува и наредната година. Да ве потсетам дека имавме исклучително добра цена за лозарите, поддршка за одгледувачите на сливи, имавме вонредни мерки за одгледувачите на јачмен и пченица, со јаболкото засега состојбата е одлична , понатаму фокус се тутунарите“ изјави премиерот Христијан Мицкоски
Премиерот Мицкоски, денеска присуствуваше на Фестивалот на смоларскиот костен, што традиционално неколку години наназад се одржува под Смоларскиот водопад, во Општина Ново Село. Местното население со автентични рецепти покажа како костенот се користи во секојдневната исхранса..
Локалните власти, велат дека оваа манифестација е важна за развојот на руралниот туризам ..
„Помага во поттикнување на руралниот туризам. Ние веќе правиме нови викенд населби и се повеќе од граѓани кои доаѓаат им се допаѓа регионот, може да ги видат нашите убавини, а во наредниот период може да очекуваме и директен бенефит“ изјави Ѓорѓе Божинов, градоначалник на Ново Село.
Годинава беа испечани околу 500килограми костени, а собраните средства ќе бидат наменети за ансамбалот од Ново Село, КУД Јане Сандански.
Александра Ристевска