Прв пат после цели 15 години Општина Ресен е целосно раздолжена и со одблокирана жиро сметка.Со домаќинско работење,без ничија финансиска интервенција и без било какви обврски кон никого, Општина Ресен повеќе нема нити еден денар долг.Актуелната локална власт на која и тежеа околу 40 милиони денари, успеа да ја спаси и раздолжи општината од долговите кои се таложеле од 2009-та година,а во кои тонела повеќе од деценија.
- “Ние ова го направиме во време на најголените кризи, зборуваме за енергетската криза каде што 400 насто се крена вредноста на струјата.И нас ни беше премногу тешко а успеавме,а исто му беше нарочито тешко и на јавните претпријатија, бидејќи услугите што ги даваат јавните претпријатија не се во форма да генерираат огромни приходи, туку во форма на одржливост”-вели Јован Тозиевски,градоначаник на Ресен
Во оваа ситуација е навистина тешко нормално фунционирање посебно на јавните претпријатија,на чие спасување ќе се работи во периодот кој следува,додава Тозиевски.
- “Државата направи пакети за стопанството, за домаќинствата и за остатокот, а никаква интервенција, напротив ги остави на милост и немислост да плаќаат по највисоки цени и услуги од типот на пумпање на вода на пумпни станици, или работа на колекторски систем, а да не зборувам за дериватите и горивата”-додава Тозиевски
Во својот двегодишен мандат Тозиевски успеа да ја раздолжи општината и да спечалиоколу 12 милиони денари, којшто позитивно ќе се одразат врз целокупното работење на локалната самоуправа. Со заштедени средства успеавме да отпочнеме и реализираме неколку нови проекти, онолку колку што ни дозволуваа тековните услови и финансиски можности,додава тој, потенцирајќи дека во изминатиов период се реализирани над 80 проекти. Сето ова го правиме, без да заостануваме во инфраструктурните проекти, инвестирајќи во сите сфери .Продолжуваме со работа и во една насока – да ја видиме подобра и попросперитетна Општина Ресен и Република Македонија,завршува Тозиевски.
Новинар Росица Голабоска
Снимател,монтажа Златко Маневски
