По неколку изолирани случаи, во изминатите денови, на оштетувања на јавниот имот во градот, од Општина Дебар апелираат за поголема грижа и одговорност кон заедничките простори и имот.
-Иако не станува збор за широко распространета појава, овие случаи служат како потсетник дека одржувањето на градот е заедничка одговорност. Зачувувањето на средината во која живееме е во интерес на сите и бара континуирана ангажираност од заедницата, наведуваат од Општината.
По евидентираните оштетувања, пред се на сообраќајни табли, следела брза реакција на локалните институции.
-Градоначалникот Фисник Меља, заедно со надлежните лица во Општина Дебар, покажаа подготвеност за итна санација на штетата и одржување на јавните површини. Оваа соработка меѓу институциите и граѓаните останува клучна за зачувување на градот чист, функционален и достоен за сите, нагласуваат од општината
Исто така, Општина Дебар презеде конкретни мерки за чистење и одржување на животната средина, грижа за зеленилото како и косење на тревата на јавните површини, придонесувајќи за почиста и посредена околина за граѓаните.
Порачуваат дека неопходно е сите заедно да се заложиме за подобар, почист и поубав Дебар.
