Мајката на газдата на НИКОБ, Кирил Лазаров, Митра, е лицето кое фигурира како сопствник на компанијата „Арекспорт“ од Струмица, фирма, која додека министер за земјоделие беше Љупчо Николовски од СДСМ, незаконски испумпала стотици илјади евра субвенции од државата. ВМРО ДПМНЕ објави нови детали од аферата која ја обелодени министерот Трипуноски според која, две компании незаконски земале над 700 илјади евра на име субвенции, иако немале засадени ниту едно земе на земјиштето што го добиле од државата. Според нив, спорно е што компанијата „Никоб„ со години важи за фирма која има блиски релации со екс-премиерот Зоран заев и со актулениот лидер на СДСМ Венко Филипче.
Оттаму велат дека Николовски ја злоупотребил позицијата како министер во периодот од неколку години и без никаков основ исплаќал милински субвенции на оваа фирма блиска до СДСМ и додадоа дека додека бил на власт изигравал мафијашки дон и дека за него не важеле законите, туку партиската припадност.
„Имено Љупчо Дон Николовски склучил низа договори со фирмата Арекспорт од Струмица за давање под закуп на државно земјоделско земјиште со површина од 1.416 хектари. Да, 1.416 хектари за фирма од Струмица, зад истата таа фирма стои Митра Лазарова, мајка на Кирил Лазаров, газда на НИКОБ, главен тендераџија на СДС, од ЕВН, преку град Скопје и до Влада до приватни лаборатории во време на Ковид пандемијата кои ги отвори во време на Венко Филипче“, изјави Бранко Петрушевски пратеник на ВМРО ДПМНЕ.
Фирмата „Арекспорт“ склучила долгогодишен договор за закуп со Министерство за земјоделство, шумарство и водостопанство под превезот дека земјиштето ќе го насади со лозов насад, но не само што земале сунбенции без да прозведуваат нешто, туку и не платиле закупнина за земјиштето во висина од 30.000 ера за 2022 и 2023 година.
„Фирмата на семејството газди на „НИКОБ“ заради тоа што Дон Николовски не им го раскинал договорот, иако за тоа бил должен да го направи, инкасирале 485.000 евра за субвенции, кои немале право да ги земаат. 485.000 евра воопшто не требало да бидат исплатени затоа што фирмата на семејството газди на „НИКОБ“ не само што не го испочитувале договорот во делот на насадот кој се обврзале да го засадат, туку и не платиле закупнина за земјиштето 2 години по ред“, изјави Петрушевски.
Вчера министерот за земјоделие, објави документи со кои обелодени како неговиот претходник дозволил две фирми, една од Скопје, друга од Струмица не плаќале закупнина, не засадиле ни една семка, и додека земјата зјаела необработена, државни пари како субвенции им легнувале на сметка исто како да произведуваат тони и тони земојделски производи. На овој начин тие ја олесниле државната каса за цели 785 илјади евра. Николовски се правдаше дека имало повеќе од 11.000 договори за закуп на земјиште и дека никој министер не можело да знае што се случува со секој поединечен договор.
Љубиша Николовски
