Почна трката за вработување на лекари во клиниките и болниците. Во тек се тестирања, по што ќе следуваат интерјуа и добивање на решение за работа.Огласите за педијатри, гинеколози, хирурзи, кардиолози, радиолози, интернисти и нефролози се најчестте специјализации кои се бараат во јавнот здравство. До крајот на мај ќе бидат вработени 300 млади лекари, следната недела ќе бидат објавени и огласи за вработувања на медицински сестри и техничари.Неделава ќе има огласи и за вработување на 1.200 луѓе кои со години работеле договор на дело.
Според синдикалците, вработувањата на младите специјализанти е нова надеж за граѓаните. Тие сметаат дека со зголемување на борјот на здравствени работници во Македонија нема да се дозволи стагнација на македонското здравство.
“Договорците на дело кое беа заборавено минато за претходната власт и дрско беа изманипулирани со доаѓањето на новата Влада почнаа и конкурсите за нивно вработување.Значи они станаа реална вистина.Во Клиничкиот центар во Скопје, пуштени се конкурсите за приватните специјализанти каде што во ек се и тестирањата..Од вчера има пуштено за прием на приватни специјализанти кои се од голема потреба и дефицит се во сите ЈЗУ, од наредната недела ќе има конкурси и за средно медицински персонал и помошен технички персонал” вели Боби Бојчевски, од независниот синдикат на здравствени работници.
Здравствените работници кои работеа со договор на дело оваа недела ќе имаат шанса преку јавни огласи да конкурираат и добијат договор на неопределено. Синдикалците велат дека Македонија има квалитетни лекари кои државата не смее да дозволи да ги изгуби.
“Според наши пртпоставки и да се земат сите дипломирани доктори и да се примат сите заврешни медицински сестри и пак ќе има дефицит на кадар.Македонија секогаш има кадар затоа што располагаме со добри училишта и Медицински факултети” вели Бојчевски.
Ветувањата на здравствените власти беа дека 300 специјализанти ќе бидат вработени во април и мај, а останатите 300 по локалните избори. Изминатата година приватните специјализанти повеќе пати излегоа на протест,барајќи повисоки плати и регулиран работен однос.
