Љупчо Палевски Палчо се правдал пред обвинителите дека е невин и тврдел дека на денот на грабнувањето на малата Вања бил во банка, дознава неофицилно Алфа. За време на десет часовниот распит во Обвинителството тој уверувал дека за тоа ќе достави и писмен доказ.
Го слушав зборуваше со голема самодоверба. Вели: „Имам писмени докази за моето движење на денот на убиството. Бeв во банка и ќе го докажам тоа. Тоа што го зборуваат другите не е точно. Не сум поврзан со нив, ниту сум дел од грабнувањето, ниту имам врска со убиството.
Плевски нема повеќе да се појави на распит освен ако обвинител не процени дека ќе треба да се изјасни во однос на нови докази кои може да се појават за време на истрагата.
Адвокатот на Палевски Марјан Витановски денеска ќе поднесе барање за увид во доказите. Тој вели дека откако ќе види со какви докази располага обвинителство ќе може да се подготвува за одбрана во кривичната постапка против Палчо.
Имено, обвинтелството веќе има обвинение за останатите четворица кои се товарат дека помагале во киднапирањето и убиството на Ѓорчевска и Жежовски, па откако ќе заврши истрагата за Палевски, се очекува тој да се приклучи кон судењето.
Палевски Палчо беше екстрадиран на 15 мај од Турција каде при крајот на ланската година беше фатен во бегство. На Палевски 20 дена му ги вештачеа електронските уреди што се затекнати кај него во турскиот град Баликесир.
Обвинителство го сомничи дека тој е организаторот и извршителот на свирепото двојно убиство што ја потресе не само македонската јавност туку и регионот.
Според обвинението, Вања Ѓорчевска е грабната на 27 ноември од пред влезот на нејзината зграда во Дебар Маало со цитроенот на Панче Жежовски од Велес кој е убен на 22 ноември. Обвинителството тврди дека мотивот за убиствата е откуп иако според доказите Ѓорчевска е ликвидирана само неколку часа по нејзиното грабнување.
Државниот обвинител уверува дека обвинението нема дупка туку дека мотивот е јасен само не се споделуваат детали за јавноста да не се вознемируцва.
Со оглед на текот на истрагата, Палевски заедно со останатите најверојатно летово ќе седнат на обвинителна клупа во судница.
