Љупчо Палевски Палчо набрзо затворот во Турција ќе го замени со оној во Шутка. Турските власти официјално ја одобрија екстрадицијата на осомничениот убиец на малата Вања и велешанецот Панче Жежовски. Министерот за правда Кренар Лога во телефонски разговор за Алфа потврди дека завршен бил судскиот и административно дел, останувал само техничкиот, односно Палевски ќе биде донесен откако ќе се организира авионскиот лет во координација со МВР.
Не е познато дали ќе биде вратен во текот на наредните 24 часа, но едно е сигурно дека наредните денови Палевски ќе биде спроведен во истражниот затвор Скопје, според одлуката на кривичниот суд од пред неколку месеци.
-Ве информирам дека денес со официјална информација од Република Турција добивме одобрение за екстрадиција на лицето Љупчо Палевски, напиша Лога.
За екстрадицијата на Палевски е чекаше речиси пет месеци, откако беше уапсен во Баликесир, Турција на трети декември. Тој е првоосомничен, заедно со уште петмина за убиството и киднапирањето на малта Вања Ѓорчевска и велешкиот фризер Панче Жежовски.
Матеја Петровски
