Градоначалничката Арсовска никако да ги реши проблемите во ЈСП кои се таложат со месеци. Последниот е ненавремената исплата на платите на вработените која законски треба да биде на секој 15-ти во месецот. Дел од вработените во ЈСП денес излегоа и побараа одговор од Aрсовска и директорот на ЈСП, зошто повторно се доцни со исплата на нивните плати.
Велат дека немаат со што да си ги платат сметките и ратите за кредити, а со секое доцнење им расте камата. За оние кои што се на договор на дело и преку агенции, состојбата е уште полоша.
Велат дека иако добиваат и закани и притисоци од раководството во ЈСП и градот Скопје, нема да прстанат да молчат и ќе продолжат да си ги бараат правата, а ако се продолжи со доцнењето на платите ќе превземат порадикални чекори и блокада на раскрсници.
Во март советниците во град скопје изгласаа префрлање на пари за плати за вработените во ЈСП па оттука велат дека е нејасно зошто се доцни со исплатата на нивните плати и дека најверојатно парите биле потрошени за други намени.
