Ослободителна пресуда за Зоран Јованов – таткото на Васил кој ја прегази Фросина Кулакова на Партизанска кај Силбо. Основниот кривичен суд го ослободи од вина таткото Јованов во првостепената пресуда, кој се товараше за загрозување на бездноста во сообраќајот односно дека му ги дал клучевите од сцвојот автомобил на синот кој немал возачка дозвола.
Од судот велат дека по внимателна анализа на обвинението, оцениле дека дејствијата кои му се ставаат на товар на обвинетиот не ги содржат законските обележја. Кривична одговорност, велат, не може да биде само врз основа на тоа што тој е сопственик на возилото, ниту пак повторувањето на едно прекршочно однесување, само по себе, не го претвора во кривично дело.
„..Согласно образложението на пресудата, судот оцени дека кривична одговорност не може да се заснова врз самата околност што обвинетиот е сопственик на возилото и што неговиот полнолетен син управувал со тоа возило без возачка дозвола. Законодавецот ваквото однесување изречно го регулирал и санкционирал како прекршок во Законот за безбедност на сообраќајот на патиштата, а судот не може преку проширено толкување на кривичниот закон да создава нови облици на кривична одговорност кои законодавецот не ги предвидел. Повторувањето на едно прекршочно однесување, само по себе, не го претвора во кривично дело. Бројот на прекршоците не може да создаде нов правен квалитет на дејствие доколку не се исполнети законските обележја на конкретното кривично дело“ стои во соопштението од Кривичен.
Одлуката ја донесе истата судијка Снежана Марковска која го осуди Васил Јованов на 12 години затвор. Против оваа одлука може да се жалат пред Апелација.
