Градоначалникот на Скопје и претседател на ЗЕЛС, Орце Ѓорѓиевски, му го честита водството на Стојанчо Радичевски, кандидат на ВМРО-ДПМНЕ за градоначалник на Брвеница, по вчерашните избори во општината, при што тој влегува во вториот изборен круг.
Ѓорѓиевски на „Фејсбук“ напиша дека довербата што ја дале граѓаните е огромна чест, но и обврска за уште поголема посветеност за подобрување на животот на жителите во Брвеница.
– Му честитам на мојот иден колега Стојанчо Радичевски за убедливото водство. Оваа доверба е огромна чест, но и обврска да се возврати со уште поголема посветеност и со дела што ќе го подобрат животот на секој жител. Честитки до жителите на Брвеница, кои повторно го направија вистинскиот избор и застанаа зад луѓето што ја имаат нивната доверба. ВМРО-ДПМНЕ е убедливо на врвот, со народот и за народот! Продолжуваме силно за уште поголема победа во вториот круг. Довербата ја оправдуваме со дела! – објави Ѓорѓиевски на својот фејсбук-профил.
