Езерскиот град го задушува загаден воздух. Податоците за квалитетот на воздухот кои ги објавува министерството за животна средина, покажуваат енормно загадување на нашата воздушна бања. Континуирано, во вечерните и раните утрински часови, измерените вредности покажуваат многу високо ниво на канцерогените ПМ 10 честички чија концентрација е над 200 микрограми на метар кубен,а концентрацијата на уште поопасните ПМ2,5 честички достигнува до 150 микрограми на метар кубен. Според охриѓани една од причините за ваквата загаденост e затоплувањето на домовите но и угостителските објекти кои користат што ќе стигнат.
“ И од шпоретите и од колите и од градбите што се прават;- Зградите, јас имам куќа пред мене е направено уби Боже, зградите се најлошо нешто.Со дрвата повеќе шпарат и дрвата не се ефтини,но ќе стави едно дрво ќе се треси, ќе се завитка во ќебе и ќе седи, јадење ќе направи;- Урбаниве средини 80% на дрва се греат сите.Мора, нема пари скапо е, скапа е струјата, се е скапо и сиромашен е народот”
Анализите кои годинава ги правеше општинското одделение за заштита на животна средина се шокантни и загрижувачки-во Охрид годишно во просек се губат 133 животи заради изложеност на загаден воздух.Стапките на смртни случаи и хоспитализации заради респираторни болести во периодот 2019-2021 година,се повисоки од националниот просек.Сообраќајот и ложиштата со цврсто и течно гориво предизвикуваат најголемо загадување посебно во зима.
“Ако веќе сме го детектирале огревното дрво затоа што таа е реалноста,ние имаме дури дупло или три пати повеќе оптеретеност на сообраќај и присуство на жители,па немаме проблем со загаденоста што значи дефинитивно е детектиран од страна на експертите начинот на кој се греат домаќинствата и веројанто со една државна стратегија доколку тоа е стратегија на државата за тоа сепак треба да поразговараме со претставниците на државата, гасификацијата би била едно од решенијата”-вели Кирил Пецаков,градоначалник на Охрид
Бидејќи Охрид во моментов нема услови за гасификација,општината изготви план за подобрување на квалитетот на воздухот.Покрај субвенционирањето на граѓаните за купување и поставување на клима уреди и сончеви колектори, се предлагаат и низа други алтернативни начини на загревање на домовите.
Росица Голабоска
