Реклама

Собранието го донесе вториот ребаланс на буџетот за 2026 година

По цели три децении Македонија ќе добие нов Кривичен законик, текстот е веќе испратен во Брисел за нивно мислење

Министри, директори, па дури и попови – Бог простува, ама „Сејф Сити“ не: системот се шири во Битола, Струмица и Штип

Пекол на „Тракија“: 12 жртви и 48 повредени во двата масовни верижни судири во Бугарија

Економијата расте, инфлацијата се стабилизира: Стопанствениците очекуваат ваквата динамика да продлжи

Претседателот Трамп ја номинира Кристи Мекормик за нова амбасадорка на САД во Македонија

Алта банка дефинитивно ќе се продаде и спаси, дури 6 банки и финансиски институции заинтересирани да ја преземат

Кравите „господарат“ со Крива Паланка: Градоначалникот немоќен и без решение за „инвазијата“ крави по градските улици

УГД ги суспендираше двајцата вработени осомничени за манипулации со студентските досиеја

АХВ прифати дел од барањата на ветеринарите

Фабриката „АСП – ПАК“ отвори нов погон во Охрид со целосно роботизирана производна линија.

Ќе и се суди во отсуство: Кочанскиот суд одби да прави циркуз од судењето на „медиумската ѕвезда“ Ива Михаилова

Македонија

Одличен старт на натпреварувачката 2025 година за М.Т.Т.Ф

На 22.02 2025 година, Македонската Традиционална Таеквон-до Федерација (М.Т.Т.Ф.) ја започна натпреварувачката…

Сподели:
Фото: Алфа Вести

На 22.02 2025 година, Македонската Традиционална Таеквон-до Федерација (М.Т.Т.Ф.) ја започна натпреварувачката година со учество на Меѓународниот натпревар “Тирана Опен 2025” во соседна Албанија. Оваа година, нашите натпреварувачи постигнаа извонредни резултати, освојувајќи вкупно 17 златни, 5 сребрени и 13 бронзени медали, како и 5 пехари за најдобри поединци. Едно од најзначајните достигнувања е и освојувањето на пехарот за второ место во екипна конкуренција. Македонската екипа составена од 19 натпреварувачи, 2судии, 2 тренери и 3 официјални лица, учествуваше заедно со 18 клубови од 6 европски земји: Шведска, Грција, Хрватска, Косово, Албанија и Македонија. Конкуренцијата беше жестока, но нашите натпреварувачи, кои натпреваруваа во двете дисциплини – форми и борби, уште еднаш покажаа зошто сме горди на нив.
Одлични резултати постигнаа следниве клубови:

  • ТК “ХВА РАНГ ИТФ” Лескоец Охрид: 6 златни, 3 сребрени, 2 бронзени и 2 пехари за поединци.
  • ТК “МАСТЕР” Охрид: 2 златни и 4 бронзени медали.
  • ТК “ЧОНЏИ” Косел Охрид: 3 златни, 1 сребрен и пехар за најдобар поединец (кадет).
  • ТК “СОНКАЛ” Мислешево Струга: 5 златни, 1 сребрен, 4 бронзени медали и пехар за најдобар поединец (јуниор).
  • ТК “АХИЛИУС” Скопје: 3 златни, 1 сребрен, 2 бронзени медали и пехар за најдобар поединец (јуниорка).

Честитки за организаторите на “Тирана Опен” за одличната организација и квалитетниот натпревар, кој беше повеќе од потребен по краткиот период од претходниот натпревар. Искрената благодарност ја упатуваме до нашиот генералниот спонзор “ПН МЕТАЛ”, Министерството за спорт и Општината Охрид. Ве известуваме дека Државното првенство во Таеквон-до ИТФ ќе се одржи на 15 март во мала сала С.Р.Ц. Билјанини извори, организирано од клубот “МАСТЕР” од Охрид, кој е првиот отворен клуб во Македонија. Право на учество имаат сите членови на М.Т.Т.Ф.По државното првенство, продолжуваме со подготовки за наредното Европско првенство кое ќе се одржи во Талин, Естонија од 28.04 до 04.05.2025 година, изјави Марјанчо Лазаревски, претседател на М.Т.Т.Ф. Честитки на сите наши натпреварувачи и многу успех во идните натпревари!