На СДСМ му се случува токму она што се очекуваше. Од главна владејачка партија до четрвта политичка сила во Македонија. Падот на СДСМ е и повеќе од очекуван, вели за Алфа политичкиот аналитичар Александар Ристевски. Според него најновите анкети, каде што партијата на Венко Филипче според бројките е под ВМРО-ДПМНЕ, ДУИ и коалицијата Вреди, не е никакво изненадување. До ваквите бројки доаѓа откако беа објавени голем број сомнежи за сторен криминал на претходната власт, како и кривичните пријави за дел од највисоките поранешни функционери. Според Ристевски ричината може да се бара и кај влијанието на Зоран Заев, преку неговиот најдобар другар Венко Филипче.
-Им претстои пасокизација, тоа е и повеќе од очигледно. Од една политичка структура која имаше стабилно членство, стабилна база, огромен број од нивните поддржувачи, затоа што во основа и не се држеа до оние барања и потреби на граѓаните им се случи одлевање на членството, како и да кажеме луѓе кои едноставно се дистанцираа од нив. Мислам дека се закочија и се залгавија и дека целосниот дебакл ќе го доживеат на локалните избори за десетина месеци, изјави Ристевски.
Покрај на СДСМ, паѓа рејтингот на ДУИ и тоа на анкети направени пред Артан Груби да биде ставен на американската црна листа. Според Ристевски, ваквиот тренд би требало да продолжи и во иднина, односно рејтигнот на партијата на Али Ахмети да продолжи да паѓа во пресрет на локалните избори.
-Изминатите три години во горема мерка ги изгубија и огромниот број на единици на локална самоуправа, мислам дека прашање на падот на ДУИ е исто така извесен. И мислам дека е прашање на време кога уште повеќе ќе се намали поддршката од страна на граѓаните. Тие се уште имаат некој стабилен рејтинг, кој сега е пата-пата или нешто малку послаб од тој на Влен. Но сметам дека до крајот на годината, до локалните избори, за еден до два проценти дополнително ќе падне, изјави Ристевски.
Анкетата на „Маркет вижн“ покажува убедливо водство на премиерот Христијан Мицкоски пред сите други политички лидери. 27,2 проценти од граѓаните најмногу му веруваат нему, втор е Али Ахмети со 5,3 проценти, Максим Димитриевски и Венко Филипче имаат рејтинг од 3,6 проценти. На партиските истражувања СДСМ од владејачка партија стана четврта политичка сила, со рејтијнг од само 3,9 проценти. ВМРО-ДПМНЕ има доверба кај 21,5 проценти од граѓаните, коалицијата Вреди од 5,5, а ДУИ 5,4.
Матеја Петровски
